Lıvanda qańǵybas ıt qoqysta jylap jatqan tastandy sábıdi qutqardy
TRIPOLI. QazAqparat – Lıvannyń soltústigindegi Trıpolı qalasynda adam sengisiz tańǵajaıyp oqıǵa boldy. Qańǵybas ıt qoqys dorbasyna salynǵan kishkentaı sábıdi qutqardy. Ony belgisiz bireýler mýnıtsıpaldy ǵımarattyń janyna tastap ketken, dep habarlaıdy QazAqparat The National basylymyna silteme jasap.
Ótip bara jatqan adam ıesiz ıttiń qoqystan bir dorbany shyǵaryp, aýzynda tistep turǵanyn kórip qalady.
Qara qapshyqtan balanyń qystyǵyp jylaǵan daýsy estiledi.
Ol qyzdy dereý Trıpolı memlekettik aýrýhanasyna jetkizdi.
Jelide taraǵan fotosýretten náresteniń beti men denesinde qyzarǵan jáne kógergen jaraqat izi bar ekenin kórýge bolady.
Balanyń jasy týraly qarama-qaıshy derekter aıtyldy.
Keıbir aqparat kózi onyń shamamen 4 aılyq ekenin habarlasa, basqalary qoqysqa tastaǵannan birneshe saǵat buryn ǵana dúnıege kelgen shaqalaq dep málimd
Internette osy habar taraǵan kezde kóptegen áleýmettik jeli qoldanýshylary qyzdy asyrap alǵysy keletinin jazdy.
«Keıbireýler ıtti taza emes janýar deıdi. Árıne, bul olaı emes, — dep jazdy bir qoldanýshy áleýmettik jelide. - Ittiń adam keıpindegi keıbir mýtanttarǵa qaraǵanda adamgershiligi, meıirimi, qýlyǵy men aqyl-oıy áldeqaıda kóp».
«Janýarlar adamǵa qaraǵanda áldeqaıda janashyr», — dep jazdy taǵy bireýi.
Jergilikti BAQ qyzdyń jaǵdaıyn aýyr, biraq turaqty dep habarlady.
Aýrýhana qosymsha aqparat bergen joq, óıtkeni sársenbiden beri el ıslam Jańa jylyn toılap jatyr, ıaǵnı memlekettik mekemeler merekege baılanysty jabyq.
Polıtsııa bul oqıǵany zerttep, balany tastap ketkenderdi izdep jatyr.
