Lıvanda Izraıl soqqylarynan 39 adam qaza tapty

Bul týraly Lıvan bıligi málim etti, dep habarlaıdy BBC.

Shabýyldarǵa jaýap retinde Hezbolla Izraıldiń soltústigi men Lıvannyń ońtústigindegi ızraıldik áskerı bólimderge zymyrandar men drondar jibergen.

Izraıl áýe soqqylarynyń basym bóligi Lıvannyń ońtústigine baǵyttalǵan.

Izraıl áskeri shabýyldar Iran qoldaıtyn qarýly toptyń ınfraqurylymy men oǵan qatysy bar nysandarǵa jasalyp jatqanyn málimdedi.

Izraıl men Hezbolla arasyndaǵy shabýyldar AQSh prezıdenti Donald Tramp 16 sáýirde bitim týraly kelisim jarııalaǵannan keıin de toqtamaǵan.

Kelisim Izraıl jáne Lıvan úkimetteri arasynda jasalǵan.

Soǵan qaramastan eki tarap bir-birin bitimdi buzdy dep aıyptap, soqqylaryn jalǵastyryp keledi.

Lıvan densaýlyq saqtaý mınıstrligi málimetinshe, eń aýyr shabýyldardyń biri eldiń ońtústigindegi Saıda qalasyna jaqyn Aın-ád-Delb aýdanynda bolǵan.

Shabýyl saldarynan turǵyn úıler qırap, ondaǵan adam úıindi astynda qalǵan.

Lıvan bıliginiń deregine sáıkes, Izraıl men Hezbolla arasyndaǵy áskerı shıelenis bastalǵaly beri elde 2795 adam qaza tapqan.

Óz kezeginde Hezbolla Izraıldiń soltústigine dronmen shabýyl jasaǵan.

Izraıl áskeri bul shabýyldan úsh sarbaz jaralanǵanyn habarlady.

Lıvan densaýlyq saqtaý mınıstrliginiń málimetine qaraǵanda, sońǵy bir aptada Izraıl shabýyldary saldarynan el boıynsha 120-dan astam adam kóz jumǵan.

Qaza tapqandar arasynda áıelder men balalar da bar.

Mınıstrlik málimetinde qaza bolǵandar beıbit turǵyndar men qarýly top músheleri bolyp jeke bólinbegen.

Aıta keteıik, AQSh prezıdenti Donald Tramp osyǵan deıin Lıvan men Izraıl arasyndaǵy bitim úsh aptaǵa uzartylǵanyn aıtqan bolatyn.