Lıvanda Izraılden ushyp kelgen tazqarany «tyńshy» dep tekserdi
ASTANA. QazAqparat - Lıvannyń ońtústiginde Bınt Djbeıl kentiniń turǵyndary aqbasty tazqarany ustap aldy. Qus Izraılden ushyp kelgen, onyń aıaǵynda nómirli GPS taratqysh saqınasy bolǵan, dep jazady newsru.com portaly.
Jergilikti basylymdardyń jazýyna qaraǵanda, qaýipsizdik qyzmeti qusty tekserip shyǵyp, onda tyńshylyq qurylǵy joq degen toqtamǵa kelgen, al GPS taratqysh qustyń ushý aımaǵyn ǵylymı maqsatta baqylaýǵa ǵana arnalǵan.
Aqbasty tazqara kúshigender tobyna jatady, Eýropa, Afrıka jáne Azııada kezdesedi. Keı elderde sany sırep ketkendikten qyzyl kitapqa engizilgen.
Jalpy tyńshylyq jáne barlaý qyzmetteri úshin qustardy, janýarlardy paıdalaný burynnan kezdesedi. Olardyń denesine baqylaý qurylǵysymen qatar túrli jarylǵysh zattar da bekitiledi, dep jazady basylym.
