Lıvanda Izraıl áýe soqqylarynan qaza tapqandar qatary kóbeıip keledi
ASTANA. KAZINFORM – Lıvan Densaýlyq saqtaý mınıstrligi 2 naýryzdan beri Izraıl armııasynyń áýe shabýyldary saldarynan qaza tapqandar sany 2586 adamǵa jetkenin málimdedi, dep habarlaıdy Anadolý agenttigi.
Vedomstvo Izraıldiń 2 naýryzdan keıingi shabýyldary nátıjesinde qaza tapqandar men jaralanǵandar týraly derekterdi jarııalady.
Resmı málimetke sáıkes, atalǵan kezeńde jaralanǵandar sany 8020 adamǵa jetken.
Mınıstrlik boljamynsha, Izraıl eldi mekender men ınfraqurylym nysandaryna tolassyz soqqylaryn jalǵastyryp jatqandyqtan, qaza tapqandar men zardap shekkender sany áli de artýy múmkin.
Aıta keteıik, «Hezbolla» uıymynyń bas hatshysy Naım Kasem dúısenbi kúni Lıvanda Izraılmen tikeleı kelissózder júrgizý múmkindigi talqylanyp jatqan tusta málimdeme jasaǵanyn jazdyq.
Al onyń aldynda ǵana AQSh prezıdenti Donald Tramp Truth Social áleýmettik jelisindegi paraqshasynda Lıvan men Izraıl arasyndaǵy bitim taǵy úsh aptaǵa uzartylǵanyn habarlaǵan edi.
