Lıvanda «Hezbolla» týnneli jarylǵannan keıin jer asty dúmpýleri tirkeldi
ASTANA. KAZINFORM — Lıvannyń ońtústiginde Izraıl áskerı operatsııasy júrip jatqan aýmaqta bolǵan qýatty jarylystardy seısmologııalyq qyzmetter tirkedi, dep habarlaıdy Taıaý Shyǵystaǵy Kazinform agenttiginiń menshikti tilshisi.
Beısenbi kúni Izraıl áskeri Lıvannyń ońtústigindegi strategııalyq Alı-at-Taher jotasynyń astynda ornalasqan «Hezbolla» qozǵalysynyń jerasty qurylystar jelisin jardy.
Bul týraly Izraıl premer-mınıstri Bınıamın Netanıahý men Qorǵanys mınıstri Israel Katstyń birlesken málimdemesinde aıtylǵan.
Completely insane footage of the Israeli army blowing up the Ali Taher ridge. The explosions were so powerful that they triggered a magnitude-4.1 earthquake in southern Lebanon, according to the US Geological Survey. This comes amid reports of a new round of bilateral talks between Lebanon and Israel next week. Last month, Iran warned the US that it would retaliate forcefully against any Israeli attack on positions held by its Hezbollah ally on the ridge.
— Nada Maucourant Atallah (@MaucourantNada) September 10, 2026
Izraıl tarapynyń málimetinshe, týnnelderdi joıý jotanyń jer ústi jáne jerasty bólikterine jedel baqylaý ornatýǵa múmkindik bergen.
— Bul strategııalyq terrorıstik ınfraqurylym Irannyń qarjylandyrýy men qoldaýy arqyly jıyrma jyl boıy salynǵan, — delingen málimdemede.
Izraıl armııasynyń habarlaýynsha, jerasty kesheniniń uzyndyǵy 2 shaqyrymnan asqan. Onyń ishinde «Badr» bólimshesiniń basqarý ortalyǵy, ondaǵan zymyran, Iranda óndirilgen drondar, pýlemetter, tankige qarsy zymyrandar, mınalar men jarylǵysh qurylǵylar bolǵan.
«Hezbolla» týnnelderin Alı-at-Taher jotasynyń astynda jarý úshin 1 100 tonnadan astam jarylǵysh zat qoldanylǵany habarlandy.
הבטחנו וקיימנו. המחבלים חוסלו ומנהרות עלי טאהר הושמדו. כל הכבוד לצה"ל 🇮🇱 https://t.co/yd9n4KjqGH
— ישראל כ”ץ Israel Katz (@Israel_katz) September 10, 2026
Izraıl armııasynyń ókili AFP agenttigine jotada áreket etken «Hezbolla» jasaqtarynyń bir bóligi pozıtsııalaryn tastap ketkenin, al qalǵandary áýe jáne artıllerııalyq soqqylardan joıylǵanyn málimdedi.
Lıvannyń NNA agenttigi Nabatııa provıntsııasyndaǵy Alı-at-Taher jotasy mańynda qýatty jarylys bolǵanyn habarlady. Jarylys jer asty dúmpýi men qatty gúrilmen qatar júrgen.
AQSh Geologııalyq qyzmeti bul aýmaqta magnıtýdasy 4,1 bolatyn seısmıkalyq qubylysty tirkedi. Alaıda qyzmet málimdemesinde onyń týnnelderdiń jarylýynan bolǵan-bolmaǵany naqtylanbaǵan.
Aldyńǵy aptada Izraıl Alı-at-Taher jotasyn baqylaýyna alǵanyn málimdegen. AFP agenttiginiń habarlaýynsha, AQSh-tyń araǵaıyndyǵymen ótken kelissózder kezinde Vashıngton bul aýmaqty Lıvan armııasynyń baqylaýyna berýdi usynǵan. Alaıda «Hezbolla» bul shartty qabyldaýdan bas tartqan.
🎥 WATCH: IDF troops uncovering dozens of weapons, intended for attacks against Israeli civilians & IDF troops, inside Hezbollah’s underground infrastructure in the Ali al-Taher Ridge.
— Israel Defense Forces (@IDF) September 11, 2026
Izraıl shekarasynan shamamen 15 shaqyrym jerde ornalasqan Alı al-Taher jotasy Izraıl men «Hezbolla» arasyndaǵy soǵys kezindegi eń daýly aýmaqtardyń birine aınaldy.
Reuters agenttigi shildede silteme jasaǵan Lıvan qaýipsizdik qyzmetterindegi derekkózderdiń málimetinshe, «Hezbolla» bul jerde jerasty basqarý ortalyǵy men qarý-jaraq qoımalaryn salǵan dep esepteledi.
Keıingi kúnderi Lıvannyń ońtústigine jasalǵan soqqylardyń qarqyny kúsheıdi. Lıvan bıliginiń málimetinshe, naýryz aıynan beri Izraıl shabýyldarynan 4,3 myńnan astam adam qaza tapqan. Izraıl áskeri Lıvannyń ońtústiginde ózi qurǵan qaýipsizdik aımaǵyn baqylaýyn jalǵastyryp otyr.
Eske salaıyq, buǵan deıin Lıvan men Izraıl Rımde tikeleı kelissózderdiń jetinshi kezeńin bastaǵanyn habarlaǵan edik.
