Lıvanda Boeing 747 ushaǵy apatqa ushyraǵan kezde qaza tapqan barlyq 90 adamnyń deneleri tabyldy
ASTANA. Aqpannyń 24-i. QazAqparat - Lıvanda Boeing 747 ushaǵy apatqa ushyraǵan kezde qaza tapqan barlyq 90 adamnyń deneleri tabyldy, bul týraly Ethiopian Airlines áýe kompanııasy málim etti,
dep habarlaıdy RBK agenttigi.
Degenmen, kompanııa ázirge apattyń naqty sebebin aıtqan joq, tek ol týraly aıtýǵa «áli erte» ekenin atap kórsetti.
Efıopııalyq áýe kompanııasynyń qańtardyń 25-ine qaraǵan túni apatqa ushyraǵan ushaǵynyń qara jáshikteri tabylǵany budan buryn habarlanǵan bolatyn. Boeing-747 ushaǵynyń qara jáshikteri Beırýttyń batysyna qaraı 8 shaqyrymdaı jerden, 1 myń metrdeı sý tereńdiginen kóterilgen bolatyn. Tabylǵan osynaý jabdyqtar apattyń naqty sebebin anyqtaýǵa kómektesedi dep kútilýde.
Esterińizge sala keteıik, Ethiopian Airlines kompanııasynyń ushaǵy Beırýttan endi ushyp shyqqan kezde, Jerorta teńizine qulaǵan bolatyn. Apat bolǵan ushaqtyń ushqyshy dıspetcherdiń nusqaýyn oryndaýdyń ornyna, kúrt jáne ádetten tys manevr jasap, sodan keıin ushaqtyń radardan joǵalyp ketkeni habarlanǵan edi.
