Lıvanda Beırýtte oryn alǵan jarylys qurbandaryna arnalyp qaraly kún jarııalandy
ASTANA. QazAqparat - Lıvanda juma Beırýtte oryn alǵan eki jarylys saldarynan 43 adamnyń qaza tabýyna baılanysty jalpyulttyq qaraly kún bastaldy.
Lıvan premer-mınıstri Tammam Salam el halqyn qoǵam tynyshtyǵyn buzýǵa áreket etken adamdar aldynda birlikke shaqyrdy, dep jazady Bı-Bı-Sı.
BUU bas hatshysy Pan Gı Mýn shabýyl jasaýshylardy aıyptap, Lıvan qaýipsizdik qyzmetin «mundaı soraqy áreket sońǵy jyldary elde ornaǵan tynyshtyqty buzýyna jol bermeýge» shaqyrdy.
Sońǵy derekterge súıensek, Beırýttegi eki jarylys saldarynan 43 adam qaza taýyp, 200-den astam adam jaraqat aldy.
Jarylysqa jaýapkershilikti Sırııada soǵysyp jatqan «Islam memleketi» ekstremıstik toby moınyna aldy.
