Lıvan jolaýshylarǵa ushaq bortyna peıdjer men ratsııa alyp kirýge tyıym saldy
ASTANA. KAZINFORM – Lıvannyń azamattyq avıatsııa basqarmasy Beırýt halyqaralyq áýejaıynan ushatyn jolaýshylarǵa ushaq bortyna peıdjer men ratsııa alyp kirýge tyıym saldy. Bul týraly tsırkýlıar Beırýtqa jáne odan ushatyn avıakompanııalarǵa jiberildi, dep habarlaıdy TASS.
– Biz Beırýttyń Rafık Harırı halyqaralyq áýejaıyna jáne odan ushatyn barlyq avıakompanııalardy óz tutynýshylaryna búginnen bastap kelesi eskertýge deıin ushaq bortynda peıdjer men ratsııalardy tasymaldaýǵa tyıym salynǵanyn habarlaýǵa shaqyramyz, – delingen habarlamada.
Bul tyıym baılanys quraldaryn qol júginde de, bagajda da tasymaldaýǵa qatysty, dep atap ótti azamattyq avıatsııa departamenti.
– Eger tabylsa, atalǵan qurylǵylardy áýejaıdyń qaýipsizdik qyzmetkerleri tárkileıdi, – dep eskertti departament. Tsırkýlıar jarııalanǵannan keıin birden kúshine enedi.
Aıta keteıik, osyǵan deıin Lıvandaǵy peıdjerler jarylyp júzdegen «Hezbolla» múshesi jaraqat alǵanyn jazdyq.
«Hezbolla» bǵan Izraıldi kinálady.
Hızbollaǵa peıdjerlerdi jetkizgen kompanııanyń ıesi jumbaq jaǵdaıda ǵaıyp bolany anyqtaldy.
Izraıl Lıvandaǵy peıdjerdi bombalaý operatsııasyn daıyndaýǵa 15 jyl jumsaǵany belgili boldy.
