Lıvan tolyqtaı jaryqsyz qaldy
ASTANA. KAZINFORM — Lıvanda elektr qýatyn óndirýge jáne taratýǵa mamandanǵan Électricité du Liban memlekettik kásiporny senbi kúni búkil elde, sonyń ishinde Beırýt áýejaıy men portynda elektr qýatynyń jappaı úzilgenin habarlady, dep jazady Anadoly.
Électricité du Liban (Lıvan elektr energııasy) málimdemesinde Lıvannyń ońtústiginde ornalasqan jáne eldi elektrmen qamtamasyz etetin Zahranıdegi sońǵy jumys istep turǵan elektr stantsııasy janarmaı tapshylyǵyna baılanysty isten shyqqan. Bul búkil elde elektr energııasynyń tolyq sóndirilýine ákeldi.
Elektr qýatynyń úzilýi Rafık Harırı halyqaralyq áýejaıy, Beırýt porty, túrmeler, káriz júıeleri men sorǵy stantsııalary sııaqty negizgi nysandarǵa da áser etti.
Kompanııa alǵan otyn mólsherine sáıkes jumysyn jáne «elektrmen jabdyqtaýdy birtindep qalpyna keltiretinin» aıtty.
Sońǵy birneshe jylda úkimettiń qarjylyq qıyndyqtaryna baılanysty Lıvanda elektr qýatynyń úzilý jıiligi aıtarlyqtaı artty, sonyń saldarynan otyn ımportyn valıýtamen qamtamasyz etý múmkin bolmady.