Lıvan SІM basshysy Sırııany Arab elderi lıgasy músheligine qaıta qabyldaýdy surap otyr
ASTANA. 7 naýryz. QazAqparat - Lıvan Syrtqy ister mınıstri Adnan Mansýr Kaırde sársenbi kúni ótken Arab elderi lıgasynyń (AEL) májilisinde osy uıymnyń quramyndaǵy Sırııanyń músheligin qalpyna keltirýge shaqyrdy. Bul jaıynda Frans Press agenttigi habar taratty.
muslim.kz saıtynyń jazýynsha, azamattyq soǵys órti sharpyǵan Sırııa 2011 jyly osy uıymnyń qatarynan shyǵyp qalǵan bolatyn. Mınıstrdiń sózine qaraǵanda, arab elderi Sırııadaǵy jaǵdaıdy sheshe almaǵan. Sol sebepti, Sırııa uıymǵa qaıtyp oralýy kerek.
Buryn AEL músheleri «Bashar Asad bılik basynda turǵan kezde Sırııa uıym qyzmetine aralasa almaıdy», dep málimdegen edi. Buǵan qosa, Lıga Sırııanyń oppozıtsııasyn el atynan sóıleıtin «zańdy ókil» retinde moıyndaǵan bolatyn.
