Lıvan prezıdenti Jozef Aýn Izraıldiń áýe soqqylaryn qatań synǵa aldy
ASTANA. KAZINFORM — Lıvan baǵytyndaǵy ahýal qaıtadan shıelenise tústi. Jaǵdaıdy odan ári ýshyqtyrmaýǵa baǵyttalǵan talpynystar júrip jatqan tusta, saıası deńgeıde qatań málimdemeler jasaldy. Bul týraly Kazinform agenttiginiń menshikti tilshisi habarlady.
Lıvan prezıdenti Jozef Aýn seısenbi kúni Izraıldiń eldiń ońtústigi men shyǵysyndaǵy birqatar eldi mekenderge, sondaı-aq Saıda qalasyna jasaǵan áýe soqqylaryn qatań synǵa aldy. Onyń aıtýynsha, bul áreketter jaǵdaıdy turaqtandyrýǵa jáne qaqtyǵystyń órshýine jol bermeýge baǵyttalǵan kúsh-jigerdi joqqa shyǵarady. Bul málimdeme seısenbi kúni Lıvan prezıdenti ákimshiliginiń resmı habarlamasynda jarııalandy.
رئيس الجمهورية العماد جوزاف عون دان الاعتداءات الاسرائيلية التي طاولت في الساعات الماضية بلدات بقاعية وجنوبية عدة وصولا إلى مدينة صيدا ، معتبراً انها تطرح علامات استفهام كثيرة لجهة وقوعها عشية اجتماع لجنة " الميكانيزم " غداً التي يفترض ان تعمل على وقف الأعمال العدائية والبحث في…
— Lebanese Presidency (@LBpresidency) January 6, 2026
Jozef Aýnnyń bul syny Izraıl dúısenbi kúni Lıvannyń ońtústik jáne shyǵys aımaqtaryna birqatar soqqy jasaǵannan keıin aıtyldy.
Izraıl qorǵanys armııasy (TsAHAL) seısenbi kúni taratqan málimdemesinde áýe soqqylary barysynda «Hezbolla» jáne HAMAS uıymdary paıdalanǵan ınfraqurylym nysandary joıylǵanyn habarlady. Izraıl áskerı kúshteriniń aıtýynsha, soqqyǵa ushyraǵan nysandardyń qatarynda qarý-jaraq qoımalary, áskerı obektiler (onyń ishinde jerasty nysandary), sondaı-aq Lıvannyń ońtústiginde ornalasqan HAMAS-tyń óndiristik qýattary bar.
🎯STRUCK: Hezbollah and Hamas terror infrastructure sites in several areas in Lebanon.
— Israel Defense Forces (@IDF) January 6, 2026
Targets struck:
• Several weapon storage facilities and military structures, both above and below ground
• Hamas weapons production sites in southern Lebanon, which were used for military…
Izraıl armııasy atalǵan nysandardyń azamattyq aýdandarda ornalasqanyn, alaıda soqqylar aldynda beıbit turǵyndardy evakýatsııalaý qajettigi týraly eskertýler taratylǵanyn atap ótti. Sonymen qatar, ızraıl tarapy bul toptardyń áreketteri atysty toqtatý jónindegi kelisimderdi buzyp otyr dep málimdedi.
Lıvan prezıdenti ákimshiliginiń málimdemesinde shabýyldar atysty toqtatý tetigi jónindegi komıssııanyń josparlanǵan otyrysy qarsańynda júzege asqany atap ótilgen. Bul komıssııa Lıvannyń ońtústigindegi qaýipsizdik pen turaqtylyqty qalpyna keltirý, sondaı-aq áskerı qımyldardy toqtatý joldaryn qarastyrýy tıis edi.
Kezdesý kún tártibine Izraıl kúshteriniń ońtústik shekaraǵa qaraı sheginýi, lıvandyq tutqyndardy bosatý jáne BUU Qaýipsizdik Keńesiniń 1701-rezolıýtsııasyna sáıkes Lıvan qarýly kúshterin tolyq ornalastyrý máseleleri engizilgen.
— Izraıldiń jalǵasyp jatqan soqqylary Lıvannyń bul bastamalarǵa belsendi qatysýyna jáne úkimettiń Lıtanı ózeniniń ońtústigindegi aımaqta óz bıligin nyǵaıtý úshin qabyldaǵan sharalaryna qaramastan, jaǵdaıdy ýshyqtyrmaýǵa baǵyttalǵan jergilikti, óńirlik jáne halyqaralyq deńgeıdegi barlyq kúsh-jigerdi ádeıi buzýǵa baǵyttalǵan, — delingen prezıdent málimdemesinde.
Qujatta bul sharalardyń Lıvan armııasy tarapynan kásibı standarttar men halyqaralyq mindettemelerge saı júzege asyrylǵany erekshe atap ótiledi.
Lıvan prezıdenti halyqaralyq qaýymdastyqty Izraıl soqqylaryn toqtatý úshin belsendi aralasýǵa, sondaı-aq taraptardyń kelisimi men halyqaralyq qoldaý jaǵdaıynda atysty toqtatý tetigi jónindegi komıssııanyń jumysyna jaǵdaı jasaýǵa taǵy da shaqyrdy.
Buǵan deıin Izraıl Lıvannyń ońtústiginde «Hezbolla» nysandaryna soqqy jasaǵanyn jazdyq.
BUU-nyń 1800-den astam bitimgeri Lıvannyń ońtústiginen ketti. BUU Lıvandaǵy bitimgerler sanyn qysqartýdy bastady.
Izraıl Lıvannyń ońtústigindegi «Hezbolla» qarý-jaraq qoımalaryna shabýyl jasady.