Lıvan prezıdenti: Izraılmen dıalog álsizdiktiń belgisi emes

ASTANA.KAZINFORM — Djozef Aýn Izraılmen júrgizilip jatqan kelissózder eldiń óz quqyqtarynan bas tartýyn bildirmeıtinin málimdedi. Bul týraly BELTA jazdy.

— Bul kelissózder álsizdiktiń belgisi de, sheginý de, ymyraǵa kelý de emes, — dep atap ótti ol. Onyń aıtýynsha, kelissózder qandaı da bir quqyqtardan bas tartýdy bildirmeıdi.

Lıvan basshysynyń sózinshe, el qazir atysty toqtatý boıynsha jumystan turaqty kelisimderge kóshý kezeńine aıaq basty. Bul kelisimder halyqtyń quqyqtaryn, aýmaqtyń tutastyǵyn jáne memlekettiń egemendigin saqtaýǵa baǵyttalady.

— Biz sońǵy jarty ǵasyrda alǵash ret Lıvannyń óz betinshe sheshim qabyldaý jáne kelissózder júrgizý quqyǵyn qaıtardyq, — dedi prezıdent.

17 sáýir kúni saǵat 00:00–de Lıvan aýmaǵynda Izraılmen 10 kúndik bitim kúshine endi. Bul kelisimge Djozef Aýn men Izraıl premer-mınıstri Bınıamın Netanıahý Donald Tramptiń deldaldyǵymen qol jetkizgen.

Atalǵan ýaqytsha bitim taraptar arasyndaǵy uzaq merzimdi kelisimge jol ashatyn alǵashqy qadam retinde qarastyrylyp otyr.

Al álem basshylary Izraıl men Lıvan arasyndaǵy bitimge qalaı ún qatty? Kazinform agenttiginiń tilshisi negizgi málimdemelerge sholý jasaǵan bolatyn, myna siltemeden oqı alasyz.