Lıvan men Izraıl arasyndaǵy kelissózderdiń úshinshi kezeńi kelesi aptada ótedi
ASTANA. KAZINFORM – AQSh-tyń deldaldyǵymen ótetin kelissózderge daıyndyq aıasynda Lıvan men Izraıl arasyndaǵy úshinshi baılanys kezeńi kelesi aptada Vashıngtonda ótedi, dep habarlaıdy Anadoly.
Bul jóninde «Anadolý» agenttigine joǵary laýazymdy lıvandyq resmı derekkóz málimdedi.
Onyń aıtýynsha, AQSh Memlekettik departamentiniń ǵımaratynda ótedi dep josparlanǵan kezdesýlerdiń naqty kúni áli anyqtalǵan joq. Sondaı-aq taraptardyń ókildik deńgeıi de belgisiz kúıinde qalyp otyr: baılanys elshiler deńgeıinde jalǵasa ma, álde oǵan odan da joǵary laýazymdy tulǵalar qatysa ma, bul másele áli sheshilmegen.
Eske sala keteıik, 24 sáýirde AQSh Lıvan men Izraıl arasyndaǵy bitimdi taǵy úsh aptaǵa uzartqan edi. Bul týraly Donald Tramp Truth Social jelisinde habarlaǵan.
Sheshim Aq úıde Izraıl men Lıvannyń joǵary laýazymdy ókilderimen ótken kezdesýden keıin qabyldandy.
