Lıvan, Iran jáne Izraıldegi 228 Qazaqstan azamaty referendýmda daýys bermeıdi
ASTANA. KAZINFORM – Lıvan, Iran jáne Izraıldegi 228 Qazaqstan azamaty referendýmda daýys bermeıdi. Bul týraly Ortalyq referendým komıssııasynyń otyrysynda Syrtqy ister mınıstrliginiń erekshe tapsyrmalar jónindegi elshisi Alýa Nádirqulova aıtty.
«Ózderińiz biletindeı, sońǵy birneshe aı boıy Taıaý Shyǵystaǵy jaǵdaı aıtarlyqtaı shıelenisti. Osyǵan baılanysty, Izraıl, Iran jáne Lıvandaǵy Qazaqstan dıplomattary kúsheıtilgen rejımde jumys isteýde. Osyǵan baılanysty, kúrdeli áskerı-saıası jaǵdaıǵa baılanysty, sonymen qatar Qazaqsan azamattarynyń qaýipsizdigin qamtamasyz etý maqsatynda Izraıl, Iran jáne Lıvandaǵy referendým ýchaskeleriniń qyzmetin ýaqytsha toqtatý týraly sheshim qabyldandy. Statısıkaǵa júginsek, Izraılde daýys berý quqyǵy bar 53, Iranda 132, Lıvanda 43 azamat, jalpy, 228 azamat daýys berý quqyǵyna ıe bolǵan», - dedi ol.
SІM ókiliniń aıtýynsha, qazirgi Izraılde, Iranda jáne Lıvanda turatyn azamattarǵa asa qajettilik bolmasa turyp jatqan jerlerinen shyqpaýdy, qaýipsizdik sharalaryn barynsha kúsheıtýdi, saqtyq pen qyraǵylyq tanytýdy, jańalyqtardy qadaǵalaýdy jáne bıliktiń usynymdaryn oryndaýdy, sondaı-aq Qazaqstan Syrtqy ister mınıstrligi men atalǵan elderdegi Elshiliktermen baılanysty bolý eskertilgen.
Buǵan deıin Izraıl, Iran jáne Lıvandaǵy referendým ýchaskeleri jumysyn toqtatqanyn jazǵan edik.
