Lıvan bıligi Mýammar Kaddafıdiń ulyn 10 jyldan keıin bosatty

ASTANA.KAZINFORM - Lıvııanyń Ulttyq kelisim úkimeti 6 qarashada 2015 jyly Beırýtte tutqyndalǵan burynǵy memleket basshysy Mýammar Kaddafıdiń uly Gannıbaldyń bosatylǵanyn jarııalady, dep habarlaıdy TASS.

- Lıvan bıligi burynǵy Lıvııa basshysy Mýammar Kaddafıdiń (1942-2011) uly Gannıbal Kaddafıdi qamaýdan bosatyp, onyń elden shyǵýyna salynǵan tyıymdy alyp tastady, - delingen Lebanon 24 jańalyqtar portaly taratqan málimdemede.

Lıvan soty Gannıbal Kaddafıdi buǵan deıin 11 mıllıon dollar dep belgilengen kepildikpen bosatýǵa buıryq bergenin habarlady.

Lıvııa úkimeti Lıvan prezıdenti Djozef Aýn men parlament spıkeri Nabıh Berrıge «bul máseleni sheshýdegi yntymaqtastyǵy úshin» alǵys bildirdi.

Lıvandyq model Alın Skafqa úılengen 50 jastaǵy Gannıbal Kaddafı Sırııaǵa qashyp ketti, onda ol Bashar Asad úkimetiniń qorǵaýynda boldy. 2015 jyldyń jeltoqsanynda ony qarýly adamdar urlap áketip, Lıvan bıligine tapsyrdy. Gannıbal Kaddafıge «aqparatty jasyrdy» degen aıyp taǵylyp, Beırýt túrmesine qamaldy.

Tamyz aıynda Human Rights Watch uıymy Kaddafıdiń «dáleldenbegen aıyptarmen» ustalyp otyrǵanyn aıtyp, ony dereý bosatýdy talap etti. Osy aıda onyń advokaty óziniń klıentiniń qatty depressııamen aýyryp, jaqynda aýrýhanaǵa túskenin habarlady.

Qazan aıynda Lıvan soty ony kepildikpen bosatýǵa buıryq berdi.