Lıvan astanasyndaǵy kúshti jarylys saldarynan qonaqúı qyzmetkerleri zardap shekti
ASTANA. QazAqparat - Sársenbi kúni Lıvan astanasynda kúshti jarylys boldy.
Jergilikti "Deılı star" gazetiniń habarlaýynsha, oqıǵa Beırýttegi "Dıýroı" qonaqúıin meken etýshilerdiń birin jekeleı tekserý kezinde oryn alǵan. Jergiliktiń BAQ-tyń habarlaýynsha, qonaqúı turǵyny bólmesine kúzetshiler kirgen sátte jarylǵysh zatty iske qosqan. Saldarynan qonaqúı qyzmetkerleriniń biri oqıǵa ornynda qaza taýyp, taǵy eki adam jaraqattanǵan. Aldyn-ala málimetter boıynsha terrorshy Saýd Arabııasynyń azamaty bolyp shyqty. Lıvandyq tártip saqshylary osy teraktige qatysy bar ekinshi lańkesti zalalsyzdandyryp úlgerdi. Eldiń ІІM-niń habarlaýynsha, quqyq qorǵaý organdarynyń ókilderi atalmysh qonaqúıge jaqyn mańaıdaǵy ishine mına qoıylǵan avtokólikti de der ýaqytynda anyqtaǵan. Jarylys nátıjesinde tórtinshi qabattan shyqqan órt ǵımaratqa jaıylǵan. Oqıǵa ornynda órt sóndirýshiler jumys jasaýda, dep habarlaıdy ITAR-TASS. Tergeý amaldary júrgizilip jatyr.
