Lıv tiliniń sońǵy tuıaǵy dúnıeden ótti
ASTANA. 6 maýsym. QazAqparat - Ǵalamshardaǵy lıv tiliniń sońǵy tuıaǵy Grızelda Krıstın 103 jasynda Kanadada dúnıeden ótti, dep habarlady Lenta.rý.
The Times basylymynyń jazýynsha, búgingi tańda álemde fın-ýgor tarmaǵynyń osy tilinde sóıleıtin 40-qa jýyq adam qalǵan, alaıda olardyń bári úshin lıv ana tili emes.
Grızelda Krıstın Baltyq jaǵalaýynda Vaıde dep atalatyn lıv aýylynda týylǵan. 1944 jyly ol otbasymen birge Latvııadan Kanadaǵa kóship ketti. Sońǵy jyldary ol til mamandaryna osy tildi qujattandyrýǵa jáne lıv oqýlyǵyn jasaýǵa qatysty. Sondaı-aq ol ana tilinde óleńder jazyp, bul jumysyn qaıtys bolarynan bir aı buryn aıaqtap shyqqan.
Lıv tili fın-ýgor tilderiniń prıbaltıkalyq-fın tarmaqshasyna kiredi. Alaıda týystas til bolǵanmen estondyqtar da, fınder de bul tildi onsha túsine bermeıdi. Lıv tiliniń ókilderi Baltyq jaǵalaýyn mekendegen fınn-ýgor taıpalary boldy. Keıbir baǵalaýlar boıynsha, olar bul jerge toǵyz myń jyldaı ýaqyt buryn kelip ornyqqan.
