Lıtvanyń sotsıal-demokratııalyq partııasy parlamenttik saılaýda jeńiske jetti

ASTANA. KAZINFORM – Lıtva sotsıal-demokratııalyq partııasy parlamenttik saılaýdyń ekinshi týrynda jeńiske jetip, endi basqarýshy koalıtsııa qurýdy kózdep otyr, dep habarlaıdy VVS.

Eki apta buryn ótken birinshi týrda da  partııa kósh basyna shyqty.  

Lıtvanyń Bas saılaý komıssııasynyń málimetinshe, sotsıal-demokrattar eki týrdyń qorytyndysy boıynsha parlamenttegi 141 orynnyń 52-sine senim arta alady. 

Sońǵy jyldary oppozıtsııada bolǵan partııa «Lıtva úshin» Demokratııalyq odaq jáne Sharýalar men jasyldar odaǵymen úsh partııaly koalıtsııa qurý múmkindigin qarastyryp otyr. 

Qazirgi ýaqytta bıleýshi konservatıvtik partııa «Otandyq odaq – Lıtva hrıstıan-demokrattary» 28 mandatqa ıe boldy. Onyń jetekshisi Gabrıelıýs Landsbergıs sotsıal-demokrattardy jeńisimen quttyqtap úlgerdi. 

«Shynymen de keremet oryndaý. Men jaýapty úkimetti, jaýapty kózqarasty qalaımyn, kemshiliksiz ekenine kúmánim joq», - dep keltirdi Delfi onyń sózin.