Lıtvalyq sportshy jańa rekord ornatty
ASTANA. 4 jeltoqsan. QazAqparat - «Álemniń eń kúshti adamy» sanalatyn Zıdrýnas Savıkas jalǵyz ózi 12 kólikti bar bolǵany 33 sekýndta 5 metrge súıredi, dep habarlady 24.kz.
Bir-birine tirkelgen tehnıkalardyń jalpy salmaǵy 13 tonnany qurady. Biraq, 38 jastaǵy alyp kúsh ıesi úshin bul eń joǵarǵy kórsetkish emes. «Álemniń eń kúshti adamy» ataǵyn jeti ret dáleldegen lıtvalyq, byltyr salmaǵy 27 tonnadan asatyn 20 kólikti qozǵaǵan bolatyn. Alaıda, ol kezde bul jetistik esepke alynbady. Sebebi, sportshy tehnıkalardy aıaǵyn arnaıy basqyshqa tirep tartqan. Zıdrýnas keleshekte budan da zor tabysqa jetetinin málimdedi.
«Qýanyshym qoınyma syımaı tur. Sebebi, bul men úshin úlken syn. Kelesi joly óz rekordymdy jańartyp, 13 nemese 14 kólikti tartatyn shyǵarmyn», - dedi rekordshy.
