Lıtvalyq ranchodan júzden astam bızon qashyp ketti
ASTANA. QazAqparat - Lıtvada jekemenshik ranchodan 110 bızon qorshaýdy buzyp, qashyp ketti. Olardyń keıbiri orman arasyna kirip ketse, bir bóligi ǵana qashaǵa qaıta oraldy, dep habarlady sheteldik BAQ.
Qazirgi ýaqytta jergilikti fermerler egistik alqaptaryn taptap ketedi dep alańdap otyr. Eger bızondar erkindikte qalatyn bolsa, onda olar zýbrlarmen býdandasýy múmkin degen de qaýip bar.
BAQ ókilderiniń aqparatyna qaraǵanda, búgin jergilikti fermerler jol talǵamaıtyn kólikterge minip, bızondardy qaýmalap qashaǵa qaraı aıdaýǵa árekettenip jatyr. Eger janýarlar aıdaýǵa kónbese olardy atyp tastaýy da múmkin.
