Lıtvadaǵy prezıdent saılaýynda Gıtanas Naýseda alda keledi
NUR-SULTAN. QazAqparat - Aldyn ala derekterge qaraǵanda, Lıtvadaǵy prezıdent saılaýynyń ekinshi kezeńiniń qorytyndylary boıynsha, táýelsiz kandıdat Gıtanas Naýseda 66,62% daýys jınaǵan. Bul týraly VVS habarlady.
Ekonomıst Naýseda buryn Lıtva Bankiniń basqarma músheleriniń biri bolǵan, saıasatqa da jekemenshik bank sektorynan kelgen. Birde bir partııamen baılanysy joq, ekonomıkanyń lıberaldy modelin jaqtaıdy.
Naýsedanyń ekinshi raýndtaǵy basty qarsylasy - buryn qarjy mınıstri, parlament depýtaty bolǵan Ingrıde Shımonıte. Onyń kandıdatýrasyn «Otan odaǵy - Hrıstıan demokrattary» konservatıvtik partııasy usynǵan. Alaıda ol ekinshi týrda Naýsedadan aıtarlyqtaı artta qalyp qoıdy.
Aıta keteıik, 12 mamyrda ótken saılaýdyń birinshi týrynda Ingrıda Shımonıte 31,3%, Gıtanas Naýseda 30,9% daýys jınaǵan edi.
