Lıtvadaǵy irikteý týrnıri: Qazaqstandyq júzgish «altyn» aldy

NUR-SULTAN. QazAqparat – Júzýden Qazaqstan komandasynyń músheleri Lıtvada ótken Olımpıadaǵa irikteý týrnıriniń fınaldyq synyn aıaqtady. El qorjyny altyn júldemen tolyqty, dep habarlaıdy QazAqparat.

Ulttyq Olımpıada komıtetinen málim etkendeı, Ádilbek Mýsın 50 metrge batterflıaı ádisimen júzýden jeńimpaz atandy. Ol atalǵan qashyqtyqty 23.75 sekýnda júzip ótken. Aıta ketelik, atalǵan qashyqtyq Olımpıada baǵdarlamasyna enbeıdi.

Budan buryn atalǵan týrnırde Anastasııa Rezvantseva qola medal ıelengen bolatyn.

Eske salaıyq, Tokıo Olımpıadasyna lıtsenzııa alý úshin arnaıy normatıvti oryndaý qajet. Ázirge, Qazaqstan komandasynyń qorjynynda Dmıtrıı Balandın jeńip alǵan eki joldama bar.