Lıtvada jańa prezıdent saılanady
VILЬNıÝS. QazAqparat - 12 mamyrda Lıtvada prezıdenttik saılaýdyń birinshi týry men eki referendým ótedi, dep habarlaıdy QazAqparat VVS agenttigine silteme jasap.
Atap aıtqanda, Lıtvanyń qazirgi prezıdenti Dalıa Grıbaýskaıte bul laýazymdy 2009 jyldan beri atqaryp keledi. Kezinde ol prezıdenttik saılaýdyń birinshi týrynda 69 paıyz daýys jınap, ulttyq rekord ornatqan bolatyn.
Osy joly saılaý bir týrmen shektelmeıdi degen boljamdar aıtylýda. Saýalnamalarǵa súıensek, kandıdattardyń eshqaısysy 50 paıyzdan joǵary daýys jınaı almaıdy. Eger de daýys berý nátıjesi osylaı bolsa, onda eki jeńimpaz 26 mamyrǵa belgilengen ekinshi týrǵa ótedi.
Eki referendým
Lıtvada saılaýdyń birinshi týrymen bir mezgilde eki referendým ótkizilýde. Onyń birinshisi eýropalyq jáne transatlantıkalyq ıntegratsııanyń Lıtvamen tańdalǵan tıisti krıterıılerine sáıkes keletin eldermen qos azamattyqqa ruqsat berýge qatysty. Bul elderdiń tizimi keıinirek aıqyndalady. Ekinshi referendým parlament depýtattary sanyn 141-den 121-ge deıin qysqartýǵa baılanysty bolyp otyr. Buǵan basqarýshy partııa bastamashylyq etti.
Úsh lıder
Qazirgi kezde saılaýǵa toǵyz kandıdat qatysýda. Spinter tyrimai kompanııasynyń saýanamasyna sáıkes, olardyń arasynda kósh bastap turǵan úsh kandıdat bar - Ingrıda Shımonıte, Gıtanas Naýseda jáne qazirgi premer-mınıstr Saýlıýs Skvernıalıs.
I. Shımonıte bul elde ekonomıst retinde tanymal. Ol osyǵan deıin Lıtva Banki prezıdentiniń orynbasary, qarjy mınıstri laýazymdaryn atqarǵan bolatyn.
Sonymen qatar G. Naýseda bul eldegi myqty ekonomısterdiń biri sanalady. Buǵan deıin Lıtva Bankiniń basshylyǵynda bolǵan, alaıda sońǵy jyldary jeke bankterde qyzmet etti.
S. Skvernıalıs 2016 jyldan beri Lıtvanyń premer- mınıstri laýazymyn atqarýda. Biraz jyldar ІІM júıesinde jumys istegen, sondaı-aq ishki ister mınıstri qyzmetinde bolǵan.
Lıtva Respýblıkasynyń basshysy bes jyl merzimge azamattardyń tikeleı qupııa daýys berýi arqyly saılanady. Kandıttar úshin mindetti túrde 40 jasqa tolýy kerek degen talap qoıylady.
