Lıtvada zeınet jasy 65-ke deıin ulǵaıtyldy
ASTANA. 10 maýsym. QazAqparat - Lıtva zań shyǵarýshylary 9 maýsymda zeınet jasyn 65-ke deıin ulǵaıtýdy kózdeıtin zań jobasyn qabyldady, dep habarlady RBK agenttigi.
Qazirgi kezde Lıtvada áıelder 60 jastan, erler 62,5 jastan zeınetke shyǵady. Endi áıelder men erlerdiń zeınet jasy teńesetin bolady. Zań 2012 jylǵy 1 qańtardan kúshine enedi.
Zeınet jasyn ulǵaıtý birte-birte júrgiziledi: áıelder úshin jylyna tórt aıǵa, erlerge - eki aıǵa uzartylady. Al 2026 jyly erler men áıelder arasyndaǵy zeınetke shyǵý merzimi teńesip, 65 jasqa jetedi.
