Lıtvada sıqyrshylar mektebi ashylmaqshy
ASTANA. Jeltoqsannyń 24-i. QazAqparat - Taıaý aptada Lıtvada sıqyrshylar mektebi ashylady. Alǵashqy sabaq 2010 jylǵy qańtardyń 30-ynda bastalady,
dep habarlaıdy QazAqparat Lenta.rý saıtyna silteme jasap.
Magııa jáne sıqyr týraly sabaqtarǵa eresektermen qatar balalar da qatysa alady. Biraq olar mektepke tek ata-analarynyń kelisimimen ǵana qabyldanady.
Oqý ornynyń aıtýynsha, magııanyń qyr-syryna qanyǵýdyń bir aıy 100 lıtke (shamamen 40 dollar) túsedi. Sıqyrshylar mektebindegi sabaqtyń oqýshylarǵa qolaıly bolýy úshin demalys kúnderi ótedi. Semınarlardy belgili sıqyrshylar jáne basqa da lektorlar júrgizedi. Mektep túlekteri dıplom alǵannan keıin ózderiniń kóripkeldik salondaryn ashýyna múmkindik alady.
Lıtvada sıqyrshylar mektebiniń ashylýy týraly habarǵa jergilikti dinı basqarma alańdaýshylyq tanytyp otyr.
