Lıtvada prezıdent saılaýy ótip jatyr

ASTANA. KAZINFORM – Lıtvadaǵy prezıdent saılaýyna qatysatyn 2,5 mıllıonǵa jýyq saılaýshy aldaǵy bes jylda atalǵan eldegi eń joǵary memlekettik laýazymdy kim atqaratynyn sheshedi. Bul týraly DW aqparat agenttigi jazdy.  

Saýalnamalarǵa sáıkes, saılaýda aıqyn favorıt Lıtvany 2019 jyldan beri basqaryp kele jatqan 59 jastaǵy kásibı ekonomıst – Gıtanas Naýseda. Onymen birge saılaýǵa taǵy 7 úmitker túsip, baq synaýda.

Saılaý ýchaskeleri Máskeý ýaqytymen saǵat 20.00-de jabylady, alǵashqy qorytyndylar 13 mamyrǵa qaraǵan túni belgili bolady. 

Úmitkerlerdiń eshqaısysy absolıýtti kópshilik daýysqa ıe bolmasa, 26 mamyrda Lıtvada saılaýdyń ekinshi týry ótedi. Onda eń kóp daýys jınaǵan eki kandıdat kezdesedi. Bul rette elde qos azamattyqty engizýge qatysty referendým ótip jatyr.