Lıtvada parlament saılaýyndaǵy daýys berý aıaqtaldy
ASTANA. QazAqparat - Saılaýshylardyń belsendiligi belgili bir ýaqyt aralyǵynda 2012 jylǵy parlament saılaýyndaǵy kórsetkishten de artyp ketti. Alaıda, táýliktiń eknshi jartysynda turǵyndardyń belsendiligi múldem tómendedi, dep habarlaıdy QazAqparat TASS agenttigine silteme jasap.
«Daýys berý aıaqtaldy. Jergilikti ýaqyt boıynsha, saǵat 20-00-de 1996 saılaý ýchaskesi túgel jabyldy. Degenmen, olardyń keıbirinde daýys berý áli de jalǵasýy múmkin edi», dedi Bas saılaý komıssııasynyń tóraǵasy Zenonas Vaıgaýskas.
«Saılaýshylarǵa saǵat 20-00-ge deıin ózderiniń tańdaýlaryn jasaýǵa ruqsat etiledi»,-dep qosty ol. Osydan soń 14 myń adamy bar komıssııa ókilderi daýystardy sanaýǵa kirisedi.
Tájirıbe kórsetkenindeı, daýystardy sanaý málimetterdi berý jumystaryna kedergi bolmasa qajetti derekter túnniń jarymynda kelip túsedi. Soǵan qaramastan, daýystardy sanaý dúısenbi kúni tań atqanǵa deıin jalǵasady.
Aldyn ala málimetter boıynsha, daýys berýshilerdiń saılaý ýchaskelerine kelý kórsetkishi 49 paıyzdy qurap otyr. 4 jyl buryn bul kórsetkish 52,93 paıyz bolatyn. Degenmen, saılaý ótken bolyp sanalady. Óıtkeni bul eldiń zańdary boıynsha saılaýshylardyń daýys berý kórsetkishi memleket turǵyndarynyń 25 paıyzynan asýy kerek.
