Lıtvada eki temirjol apaty boldy
ASTANA. KAZINFORM — Eki oqıǵada da eshkim zardap shekken joq, dep habarlaıdy BelTA.
Birinshi apat juma kúni Kedaınıaı aýdanyndaǵy Gýdjıýnaı stantsııasynda boldy. Relsten qıyrshyq tas tıelgen úsh vagon shyǵyp ketti.
Senbi kúni Kaýnas aýdanynda lokomotıv pen metanol tasymaldaǵan birneshe júk vagony relsten shyqty.
Eki jaǵdaıda da eshkim zardap shekken joq. Metanol (metıl spırtiniń) tógilgen joq. Habarlanǵandaı, Kaýnas aýdanyndaǵy apatqa baılanysty kórshi joldarda da qozǵalys toqtatylyp, oqıǵa 20-dan astam jolaýshylar poıyzyna áser etti.
Apattardy tergeýdi Ádilet mınıstrliginiń qaýipsizdik máselelerin zertteý bólimi, «Letývos gelejınkelıaı» (Lıtva temir joldary) memlekettik kompanııasy jáne polıtsııa departamenti júrgizip jatyr. Polıtsııa tehnıkalyq aqaý nusqasyn qarastyrýda. Departament málimetinshe, ázirge qylmystyq áreket belgileri anyqtalǵan joq.
Aıta keteıik, Almaty oblysyndaǵy temirjol ótkelinde avtobýs pen poıyz soqtyǵysyp, saldarynan alty adam túrli jaraqat aldy.
