Lıtvada búgin prezıdent saılaýy ótedi
ASTANA. QazAqparat - Lıtvada búgin, 11 mamyrda prezıdent saılaýy ótedi. Konstıtýtsııa boıynsha óz jaqtastary qoldap 20 myń qol jınaǵan jeti úmitkerdiń ishinde qazirgi memleket basshysy Dalıa Grıbaýskaıteniń múmkindigi joǵary, dep habarlady reseılik «Jańalyqtar» agenttigi.
Delfi ınternet-portalynyń tapsyrysymen 2014 jylǵy sáýir aıynyń ortasynda Spinter tyrimai kompanııasy ótkizgen saýaldama nátıjesi boıynsha Grıbaýskaıtege saılaýǵa qatysýǵa nıet bildirgen respondentterdiń 46,4 paıyzy daýys berýge ázir.
Alǵashqy týrda jeńiske jetýi úshn oǵan saılaýshylardyń 50 paıyzdan astamy qatysqan jaǵdaıda jartysynan kóp daýys jınasa jetkilikti. Eger daýys berýge qatysý odan kem bolsa, onda qazirgi prezıdent saılaýshylardyń úshten bir daýysynan kem emes, basqalarynan kóp daýys jınaýy tıis.
Sondyqtanda da prezıdenttik saılaýdaǵy negizgi másele lıtvalyqtarǵa ekinshi týr qajet bola ma, degen suraq. Degenmen keıbir saıasattanýshylar ekinshi týr bolǵan jaǵdaıda saılaýdyń nátıjesi kútpegen jaǵdaıda aıaqtalýy múmkindigin joqqa shyǵarmaıdy.
Grıbaýskaıteden basqa prezıdenttik oryntaqqa sotsıal demokrat Zıgmantas Balchıtıs, «Eńbek partııasynan» úmitker Artýras Paýlaýskas, Lıtva polıaktary saılaý aktsııasynyń kóshbasshysy Valdemar Tomashevskıı, Vılnıýs meri Artýras Zýokas, Ignalına meri, Lıtvanyń sharýalar jáne «jasyldar» odaǵynyń ókili Bronıs Rope jáne parlamentshi Naglıs Pýteıkıs dodaǵa túsedi.
Respýblıka konstıtýtsııasy boıynsha, sońǵy úsh boıy Lıtvada turǵan kez kelgen tegi lıtvalyq azamat (úmitkerlerdiń ata-analarynyń biri ol dúnıege kelgen kezde Lıtva azamaty bolýy tıis) úmitker bola alady. Prezıdenttikke úmitker keminde 40 jasqa tolǵan jáne Seımge saılanýǵa quqyǵy bar bolýy qajet. Eger birinshi týrda prezıdentti saılaý múmkin bolmasa, onda ekinshi týr 2014 jylǵy 25 mamyrda Eýroparlament saılaýymen bir mezgilde ótedi. Onda joǵarǵy memlekettik laýazymǵa eki úmitker túsedi. Bul týrda eń kúshti úmitker jeńip shyǵady, daýys berýge qatysýshylar sany normalary qoldanylmaıdy.
