Lıtva turǵyndary qazaqstandyqtardy qazaq tilinde Naýryz meıramymen quttyqtady
«Qurmetti qazaqstandyqtar! Sizderdi kele jatqan Ulystyń uly kúni Naýryz meıramymen shyn júrekten quttyqtaımyz!», - dedi «Jara» baspa úıiniń jetekshisi Aıdas Jandarıs.
Al Qazaqstan-Lıtva iskerlik keńesiniń múshesi Andrıýs Býrba Naýryz meıramy barsha qazaqstandyqqa sheksiz qýanysh, shat-shadyman kóńil-kúı ákelýin tileıdi.
«Kóktemniń kógildir kúnimen birge sizderdiń otbasylaryńyzǵa baqyt pen jylýlyq kelsin!», - dedi Vılnıýs ýnıversıtetiniń dotsenti, túrkitanýshy Galına Mıshkınene.
Sáýletshi Gedımınas Týnaıtıs Naýryzdyń aqsha qaryndaı ár qazaqstandyqtyń basyna baq qonýyna tilekshi ekendigin bildiredi.
Warwick ýnıversıtetiniń stýdenti Gýste Týnaıtıs te barsha qazaq eline, ár qazaq otbasyna amandyq-saýlyq, tynyshtyq jáne turaqtylyq tileıtindikterin aıtady.
Ulystyń uly kúni – Naýryz qutty bolsyn!», - dedi karate-shınkıokýshınkaıdan álem chempıony Brıgıta Gýstaıtıte.
