Lıtva soty Áblıazovtyń baldyzyn Qazaqstan men Ýkraınaǵa bermeıtin boldy
ASTANA. QazAqparat - Seısenbi kúni Vılnıýs aımaqtyq soty Qazaqstan men Ýkraınanyń Muhtar Áblıazovtiń baldyzy Syrym Shalabaevqa qatysty ekstradatsııalaý týraly ótinishteri qanaǵattandyrylmaǵanyn jarııa etti, - dep habarlaıdy RIA Novostı.
Shalabaevty eki jyldan astam ınterpol izdedi. Ony lıtvalyq «Aras» jedel-izdestirý jasaǵynyń qyzmetkerleri ótken jazda ustady.
S.Shalabaev Áblıazovpen jáne basqa da adamdarmen birigip, Qazaqstanda, Ýkraınada jáne Reseıde birneshe mıllıard dollardy jymqyrdy dep kúdikke ilingen.
«Sot sheshimine qatysty lıtvalyq apellıatsııalyq sotqa shaǵym túsirýge bolady», - dep jazylǵan habarlamada.
Shalabaevty ekstradatsııalaý máselesi jabyq otyrysta qaraldy. Sot qabyldanǵan qarardyń bir bóligin ǵana jarııalap otyr.
