Lıtva men Nıgerııanyń oıyny kezinde maımyldy beınelegen násilshil jankúıerge aıyppul salyndy
ASTANA. 2 tamyz. QazAqparat - Londonda ótken Lıtva men Nıgerııanyń arasyndaǵy basketbol oıyny kezinde ustalǵan lıtvalyq azamatqa násilshildik áreketi úshin keshe sot aıyppul saldy.
Lıtvalyq komandanyń jankúıeri maımyldyń dybysyn shyǵaryp, násilshildik qımyl-áreketter jasaǵan. Ázirge aıyppuldyń kólemi naqtylana qoıǵan joq, sotta bolǵannan soń álgi jpnkúıer bosatyldy.
Eske sala ketsek, Lıtva quramasynyń basketbolshylary 31 shilde kúni London Olımpıadasynyń toptyq týrnırindegi ekinshi aınalym oıynynda Nıgerııany 72:53 esebimen oısyrata jeńgen bolatyn, dep jazady Eýrazııa birinshi arnasy.
