Lıtva Qazaqstannyń reformalaryn qoldaıdy – Gabrıelıýs Landsbergıs

ASTANA. QazAqparat – Lıtva Syrtqy ister mınstriniń Qazaqstanǵa resmı saparynyń aıasynda lıtvalyq bıznesmenderdiń úlken delegatsııa keldi, dep habarlaıdy QazAqparat tilshisi.

Bul týraly Lıtva Syrtqy ister mınıstri Gabrıelıýs Landsbergıs qazaqstandyq áriptesimen ótken kelissózden keıin BAQ ókilderiniń aldynda jasaǵan málimdemesinde aıtty.

«Biz Qazaqstannyń reformalary men prıntsıpterin qoldaımyz. Lıtva óziniń aqparat, tsırflandyrý, jasyl jáne jańartylatyn energetıka salaryndaǵy noý-haýlary men tájirıbesin usynýǵa daıyn», - dedi Lıtva ókili.

Sondaı-aq ol eki eldiń arasyndaǵy baılanysty tikeleı reıster arqyly nyǵaıta túsýge bolatynyn eske saldy.

«Menimen birge kelgen úlken delegatsııa Lıtva bıznesiniń Qazaqstanmen qarym-qatynasty keńeıtýge degen qyzyǵýshylyǵy bul eldiń tabıǵı resýrsy men jaıǵasqan ornynyń arqasynda orasan ekenin kórsetedi. Qazaqstan týrısteri men stýdentteri, bıznesmenderi men jalpy halqy elderimizdiń arasyndaǵy tikeleı reısterdi kóbirek paıdalana alar edi», - dedi Lıtva Syrtqy ister mınıstri.