Lıtva kásipkerleri Qazaqstanda óndiris ashýdy kózdep otyr

NUR-SULTAN. QazAqparat - Qazaqstannyń Lıtvadaǵy Elshiliginiń bastamasymen «Kazakh Invest» UK» AQ, «Qazindustry» AQ, lıtvalyq «PKV» jáne «TecnnoWest» kompanııalary ókilderiniń qatysýymen beınekonferentsııa ótti.

Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.

Іs-shara barysynda lıtvalyq tarapqa Qazaqstannyń eksporttyq, saýda jáne ınvestıtsııalyq áleýeti, arnaıy ekonomıkalyq jáne ındýstrııalyq aımaqtardyń jumysy, sondaı-aq ınvestorlardy memlekettik qoldaý quraldary týraly tolyq aqparat berildi.

Buǵan qosa Prezıdent Qasym-Jomart Toqaevtyń «Jańa Qazaqstan: jańarý men jańǵyrý joly» Joldaýynda jarııalanǵan bastamalarynyń arqasynda elimizde bıznes ashýdyń jańa múmkindikteri týraly habardar etildi. Atap aıtqanda, Memleket basshysy usynǵan óńirlerdiń jańa ákimshilik-aýmaqtyq bólinýi jumys oryndaryn kóbeıtýdi jáne ınvestıtsııalyq jobalardy júzege asyrýdy talap etetin qosymsha damý ortalyqtaryn qalyptastyrady.

«PKV» kompanııasynyń ókilderi turmystyq elektr qurylǵylaryn shyǵaratyn birlesken kásiporyn qurýǵa múddeligin bildirdi.

Beınekonferentsııa qorytyndysy boıynsha arnaıy ekonomıkalyq aımaqtarmen tanysý jáne óndiristi bastaýdyń yqtımal ornyn anyqtaý maqsatynda lıtvalyq kásipkerlerdiń Qazaqstanǵa saparyn uıymdastyrý týraly kelisimge qol jetkizildi.