Lıtva erteńnen bastap eýroǵa kóshedi
BRıÝSSELЬ. QazAqparat - 2015 jyldyń 1 qańtarynan bastap Latvııa, Estonııa elderiniń sońyn ala Lıtva da eýroǵa kóshpek. Erteńgi kúnnen bastap Eýroodaq valıýtasy birtindep ulttyq lıt valıýtasynyń ornyn baspaq.
Aldaǵy eki apta boıy aınalymda eki valıýta da júretin bolady. Bul eski aqsha belgilerin jańa aqshaǵa aıyrbastaýda halyq arasynda dúrbeleń týdyrmas úshin qolǵa alynyp otyr. «Bul Lıtva úshin ǵana emes, eýroaımaq úshin de sımvolıkalyq sát, bul aımaq jańa qatysýshylar úshin de turaqty, tartymdy ári ashyq bolyp qala beredi», - deıdi Eýropalyq komıssııanyń vıtse-prezıdenti Valdıs Dombrovskıs. Lıtva EO-tyń negizgi valıýtasyna kóshken eýroaımaqtaǵy 19-shy el jáne Eýroodaqtaǵy Baltyq mańy elderiniń sońǵysy bolyp tabylady. Latvııa buǵan 2013 jyly, al Estonııa 2011 jyly kóshken bolatyn. Esterińizge sala keteıik, Lıtvanyń Ortalyq banki qarasha aıynda halyq arasynda alda bolatyn aqsha reformasy týraly saýalnama júrgizgen bolatyn. Onyń nátıjesi boıynsha, eýroǵa kóshýdi el turǵyndarynyń 53% jaqtaǵan, al 39%-y EO valıýtasynsyz da jaman emes dep sanaǵan.
