Lıtva eń ishkish el dep tanyldy
ASTANA. QazAqparat - Dúnıejúzilik densaýlyq saqtaý uıymynyń sońǵy málimetterin jarııalaǵan Business Insider basylymynyń habarlaýynsha, 2000 jyldan beri Lıtvada alkolgoldi tutyný úsh ese artqan.
Osy Baltyq eliniń árbir turǵyny ortasha alǵanda jylyna 14 lıtr taza spırt ishedi. Odan keıingi oryndarda jylyna turǵyndary ortasha eseppen 10-11 lıtr shólmekti bosatatyn Avstrııa, Estonııa jáne Chehııa elderi tur.
Túrkııa, Úndistan jáne Izraıl alkogoldi eń az ishetinder qatarynda, bul elderdiń árbir turǵyny ortasha eseppen 1-3 lıtrden aspaıtyn taza spırt tutynady.
Eske sala keteıik, Lıtvada 4 qarasha kúni uzaqqa sozylǵan ishýden keıin retsıdıvıst ýdaı mas kúıinde tonaý jáne alkogol satyp alý maqsatynda tórt zeınetker keıýanany óltirgen, dep habarlady «Lıtovskıı kýrer» Regnum agenttigine silteme jasap.
Lıtva premeri Algırdas Býtkıavıchıýs otandastardy halyq arasyndaǵy alkogolızm máselesin sheshý úshin toptasýǵa shaqyrdy, dep habarlady «Komsomolskaıa pravda».
