Lıtva: Derekterdiń jappaı taralýynyń artynda ózge memleket turýy múmkin
ASTANA. KAZINFORM – Lıtva bıligi ulttyq reestrlerden 600 myńnan astam jazba syrtqa taraǵannan keıin kıbershabýyl qaýpine baılanysty joǵary daıyndyq rejımine kóshti. El úkimeti derekterdiń taralýyna sheteldik memlekettiń qatysy bolýy múmkin dep málimdedi. Bul týraly Bul týraly Euronews jazdy.
Juma kúni Lıtvanyń Bas prokýratýrasy taralǵan málimetterdiń basym bóligi jyljymaıtyn múlik pen zańdy tulǵalar reestrlerine qatysty ekenin habarlady. Derekterge osy aqparatpen jumys isteýge ruqsaty bar mekemelerdiń akkaýnttary arqyly qol jetkizilgen.
Dúısenbi kúni oqıǵa áshkerelengennen keıin memlekettik «Tirkeý ortalyǵy» kásipornynyń basshysy Adrııýs ıÝsas qyzmetinen ketti.
Prokýrorlardyń aıtýynsha, bılik dereý qosymsha kıberqaýipsizdik sharalaryn engizgen. Atap aıtqanda, kúmán týdyrǵan paıdalanýshylardyń akkaýnttary buǵattalyp, qoljetimdilik shektelgen jáne olarǵa kirý derekterin jańartý mindettelgen. Prokýratýra bul oqıǵaǵa sheteldik memlekettiń qatysy bolýy múmkin ekenin málimdedi. Alaıda bılik naqty qaı memleket týraly sóz bolyp otyrǵanyn aıtpady.
Kaşıýnas qaskóıler arnaıy qyzmet ókilderiniń, áskerı qyzmetkerlerdiń, dıplomattar men saıasatkerlerdiń mekenjaılaryna qol jetkizýi múmkin ekenin eskertti. Onyń aıtýynsha, bul keıinnen olardy baqylaýǵa nemese qysym kórsetýge paıdalanylýy yqtımal.
Lıtva halqy bul máselege erekshe saqtyqpen qarap otyr. Sebebi el Eýropaǵa qarsy júrgizilip jatqan gıbrıdtik soǵystyń negizgi nysandarynyń biri sanalady. Oǵan sabotaj, órt qoıý, vandalızm, yqpal etý operatsııalary, tsıfrlyq ınfraqurylym men memlekettik júıelerge jasalatyn shabýyldar kiredi.
Sońǵy ýaqytta el aýmaǵynda drondardyń paıda bolǵany týraly habarlamalar da jıilegen. Ótken sársenbi kúni Belarýspen shekara mańynda drondardyń belsendiligi baıqalǵannan keıin el astanasy Vılnıýs turǵyndaryna jasyryný týraly nusqaý berilgen.
Oqıǵadan keıin Euronews-ke bergen suhbatynda Lıtva qorǵanys mınıstri Robertas Kaýnas:
– Bul – Baltyq elderi betpe-bet kelip otyrǵan jańa shyndyq. Biz beıimdelýimiz kerek, óıtkeni mundaı stsenarıılerdiń qaıtalaný yqtımaldyǵy óte joǵary, – dedi.
Seısenbi kúni Vılnıýske Ýrsýla fon der Lıaıen keledi. Ol Baltyq elderiniń kóshbasshylarymen kezdesip, jıilep bara jatqan dron shabýyldaryna jaýapty úılestirý máselesin talqylaıdy.
Eske sala ketsek, buǵan deıin Lıtva 200 lıtrden artyq janarmaıy bar júk kólikterin kirgizbeı jatqanyn jazdyq.
