Lıtva bıligi qylmysker Syrym Shalabaevqa bosqyn statýsyn taǵaıyndady
ASTANA. QazAqparat - Lıtva bıligi «BTA Bank-tiń» burynǵy basqarma tóraǵasy Muhtar Áblázovtyń sybaılasy, Qazaqstan azamaty Syrym Shalabaevqa saıası baspana berýdi sheshti. BALTNEWS.lt taratqan aqparatty Lıtva ІІM janyndaǵy mıgratsııa departamentinde rastady.
Syrym Shalabaevty eki jyldan astam Interpol izdegen. 2015 jyly jazda ol Vılnıýste ustaldy. Qazaqstan bıligi oǵan jáne onyń sybaılastaryna birneshe mıllıard dollardyń múlkin jymqyrdy degen aıyp taqqan.
Syrym Shalabaevqa bosqyn statýsyn jáne Eýropalyq Odaq aýmaǵynda uzaq merzimde qalý týraly sheshimdi Lıtvanyń mıgratsııa departamenti qabyldaǵan. Bul sheshimge negiz bolǵan jaıdy ІІM sheneýnikteri aıtpady. Olardyń sózine qaraǵanda, bul aqparat memlekettik qupııaǵa jatady.
Jaqyn arada mıgratsııa departamentiniń sheshimi Vılnıýs okrýgtik sotyna joldanady. Bul sot qazir Bas prokýratýranyń ony ekstradıtsııalaý týraly ótinishin qarastyryp jatyr. Syrym Shalabaev ázirge bostandyqta júr, alaıda oǵan elden shyǵýǵa tyıym salyndy.
Eske sala keteıik, qazirgi ýaqytta BTA Bank jáne onyń keńesiniń burynǵy tóraǵasy Muhtar Áblázovke baılanysty 15 adamǵa aýmaqta qalýǵa ruqsat berildi.
