Lıtva astanasynda ál-Farabı ortalyǵy ashyldy

VILЬNıÝS. QazAqparat –Lıtvanyń Ulttyq qaýymdar úıinde fılosof ári oıshyl Ábý Nasyr ál-Farabı atyndaǵy ortalyq ashyldy. Bul týraly QazAqparat SІM silteme jasap habarlaıdy.

Saltanatty is-sharaǵa Qazaqstan Respýblıkasy Syrtqy ister mınıstriniń orynbasary Marǵulan Baımuhan, Qazaqstannyń Lıtvadaǵy Elshisi Vıktor Temirbaev, Lıtva Úkimeti janyndaǵy az ulttar máseleleri jónindegi departamentiniń dırektory V.Montıvıdaıte, Ulttyq qaýymdar úıiniń dırektory A.Gedamınskıene, «Nursáýle» Lıtva qazaqtary qoǵamynyń tóraıymy S.Qanapına, Ulttyq qaýymdastyqtar keńesiniń ókilderi jáne lıtvalyq túrkitanýshylar qatysty.

Ashylý rásimi barysynda M.Baımuhan qonaqtarǵa ǵylymnyń kóptegen salalaryna túbegeıli úles qosqan «Álemniń ekinshi ustazynyń» róli jaıynda aıtyp ótti. Sondaı-aq, ol Shyǵystyń uly oıshylynyń bıylǵy mereıtoıy ıÝNESKO-nyń umytylmas kúnderi men oqıǵalarynyń kúntizbesine qosylǵany jáne halyqaralyq deńgeıde keńinen merekelenetinine erekshe kóńil aýdardy.

Qazaqstandyq dıplomat ál-Farabı murasynyń, ál-Bırýnı sııaqty, eýropalyq ǵylymnyń qalyptasýyna zor yqpalyn, qaıta órkendeý dáýiriniń basyndaǵy Eýropanyń uly adamdary úshin sheksiz shabyt kózi bolǵanyn da atap ótti.

Lıtvanyń Ulttyq qaýymdar úıindegi «Nursáýle» qazaqtar qoǵamy alańynda ashylǵan ál-Farabı atyndaǵy ortalyqqa kelýshiler uly ǵalymnyń eńbekterimen tanysyp qana qoımaı, sonymen birge qazaqtyń mádenıeti men salt-dástúrin de jaqynyraq bile alady. Ortalyqtyń qyzmeti, eń aldymen, Qazaqstan men Lıtva arasyndaǵy mádenı jáne ǵylymı dıalogty damytýǵa baǵyttalatyn bolady.