Lıtva 2015 jyldyń qańtarynan eýroǵa kóshedi
ASTANA. QazAqparat - Búgin Brıýsselde EO Keńesi Lıtvanyń 2015 jyldyń 1 qańtarynan eýro aımaqqa qosylýy týraly sońǵy sheshim qabyldady. Bul atalǵan elge eýro aımaqtyń 19-shy múshesi bolýǵa múmkindik beredi, dep habarlady EO Keńesiniń baspasóz qyzmetinen.
Osyǵan oraı Lıtva Premer-Mınıstri Algırdas Býtkıavıchıýs eldiń júıeli is-áreketteri óz nátıjesin bergendigin atap ótti. «Búgin eýro aımaq bizder úshin esigin ashty. Eýroǵa kóshý ekonomıkalyq jáne saıası turǵydan durys oılastyrylǵan, ulttyq ekonomıkanyń ósimine serpin beretin strategııalyq qadam boldy», - dedi ol.
Qazirgi ýaqytta eýroǵa qatysty Lıtvanyń ulttyq valıýtasy naqty belgilengen jáne 1 eýro 3,4528 lıtti quraıdy. Qaıta esepteý barysynda atalǵan kýrs saqtalady.
Lıtva biryńǵaı eýropalyq valıýtaǵa kóshý úshin Maastrıht ólshemderin oryndaýy tıis bolatyn. ıAǵnı, ol úshin Lıtvanyń bıýdjet tapshylyǵy JІÓ-niń 3 paıyzynan, memlekettik qaryz JІÓ-niń 60 paıyzynan aspaýy tıis edi. Valıýta odaǵyna kirgennen keıin Lıtvanyń ortalyq banki eýro aımaqtyń Ortalyq bank júıesine kiredi. Eldiń qarjy ınstıtýttary eýro aımaqtyń banktik júıesimen yqpaldasady jáne ashyq naryqtaǵy EOB operatsııalaryna qatysa alady.
