Lıtsenzııalyq týrnırge irikteý: Búgin sharshy alańǵa kimder shyǵady

ASTANA. KAZINFORM – Búgin, ıaǵnı 8 sáýir kúni Astanada Taılandtaǵy lıtsenzııalyq týrnırge qatysatyn boksshylardy irikteý jekpe-jekteri bastalady.

QR Ulttyq olımpıadalyq komıteti málim etkendeı, atalǵan báseke eki kúnge sozylmaq. Osy jarıas aıasynda jeti kezdesý josparlanǵan. Onyń biri fınaldyq jekpe-jek. Áıelder arasynda 50 keli salmaqta Alýa Balqybekova men Nazym Qyzaıbaı ózara myqtyny anyqtaıdy.

Búgin sharshy alańǵa shyǵatyn juptar:

Muhamedsabyr Bazarbaıuly - Ertýǵan Zeınýlınov (63,5 keli, 1/4 fınal)

Alýa Balqybekova - Nazym Qyzaıbaı (50 keli, fınal)

Balaýsa Muzdyman - Jaına Shekerbekova (54 keli, 1/4 fınal)

Elına Bazarova - Uljan Sársenbek (54 keli, 1/4 fınal)

Dına Jolaman - Symbat Álıasqar (54 keli 1/4 fınal)

Sánııa Sultanqyzy - Anel Saqysh (54 keli, 1/4 fınal)

Darıǵa Shákimova - Natalıa Bogdanova ( 66 keli, 1/4 fınal).

Esterińizge sala keteıik, keshe atalǵan týrnırge qatysatyn boksshylar arasynda jerebe tartý rásimi ótkenin jazǵan bolatynbyz.

Jekpe-jekter ár kúni saǵat 16:00-de bastalady. Sparrıngter jabyq túrde ótedi. Alaıda BAQ ókilderi men jankúıerler úshin QAZSPORT telearnasynda jekpe-jekter tikeleı efırden kórsetiledi.