Lıtsenzııalyq týrnır: Jaına Shekerbekova jarys jolynan shyǵyp qaldy

ASTANA. KAZINFORM – Italııanyń Býsto-Arsıtsıo qalasynda ótip jatqan lıtsenzııalyq týrnırde búgin alǵashqy jekpe-jegin ótkizgen Jaına Shekerbekova qarsylasyna jol berip, jarysty aıaqtady.

Atap aıtsaq, áıelder arasynda 54 keli salmaqta el namysyn qorǵap Jaına Shekerbekova 1/16 fınalda Nıgerııa ókili Shýkýra Karımge ese jiberdi.

Bul – Italııaǵa attanǵan 6 er, 5 áıel boksshylar arasyndaǵy alǵashqy jeńilis. Osyǵan deıin sharshy alańǵa shyqqan ózge boksshylarymyz jeńisti joldaryn jalǵastyryp keledi.

Atap aıtsaq, áıelder arasynda 60 keli salmaqta Rımma Volosenko osyǵan deıin úsh ret sharshy alańǵa shyǵyp, barlyǵynda jeńiske jetip, shırek fınalǵa jetti. Erler arasynda Sáken Bıbosynov eki ret, Aıbek Oralbaı, Muhammedsabyr Bazarbaıuly, Aslanbek Shymbergenov bir qarsylaspen judyryqtasyp úlgerdi.

Esterińizge sala keteıik, osyǵan deıin búgin, ıaǵnı 7 naýryz kúni bes  boksshymyz sharshy alańǵa shyǵatynyn jazǵan bolatynbyz.