Lıtsenzııalyq týrnır: Úsh balýanymyz jartylaı fınalǵa shyqty
BІShKEK. KAZINFORM – Qyrǵyzstan astanasy Bishkek qalasynda kúres túrlerinen ótip jatqan lıtsenzııalyq týrnırdiń ekinshi jarys kúni áıelder kúresinen úsh balýanymyz jartylaı fınalǵa shyqty.
Atap aıtsaq, 50 keli salmaqta Laýra Ǵanıqyzy, 53 keli salmaqta Juldyz Eshimova jáne 76 keli salmaqta Jámıla Baqbergenova lıtsenzııalyq týrnırdiń jartylaı fınalyna ótti.
Laýra Ǵanıqyzy Ulttyq qurama sapyndaǵy eń jas balýandarymyzdyń biri. Ol Azııa qurlyǵynyń lıtsenzııalyq jarysynda ekinshi aınalymda Fılıppın sportshysy Djıa Pıngotty taza jeńse, Juldyz Eshımova shırek fınalda Venam balýany Ngýıendi 2:1 esebimen jarys jolynan taıdyrdy.
Al Jámılá Baqbergenova shırek fınalda ózbekstandyq Svetlana Oknazarovany 13:2 esebimen jeńip, jartylaı fınalǵa shyqty.
Endi osy úsh balýanymyz jartylaı fınalda jeńiske jetse birden Parıj olımpıadasynyń joldamasyna ıelik etedi.
Ókinishke qaraı Emma Tısına (57 kg), Irına Kýznetsova (62 kg) jáne Elena Shalygına (68 kg) úsheýi jarysty erte aıaqtap, joldamadan tys qaldy.
Atalǵan lıenzııalyq týrnırde Olımpıada joldamasy tek fınalǵa shyqqan balýandarǵa beriledi. Kúrestiń úsh túrinen 18 salmaq dárejesinde 36 lıtsenzııa sarapqa salynyp jatyr. Al úshinshi jarys kúni grek-rım kúresiniń balýandary synǵa túsedi.
Esterińizge sala keteıik, keshe birinshi jarys kúni erkin kúres sheberleri Olımpıada joldamasyn sarapqa saldy. Nátıjesinde 97 keli salmaqta Álisher Erǵalı https://kaz.inform.kz/news/alsher-ergali-olimpiada-zholdamasin-zhenp-aldi-1632b6/ men 125 keli salmaqta ıÝsýp Batyrmurzaev Parıj olımpıadasyna joldama aldy.
