Lıtsenzııalyq týrnır: Nurbek Oralbaı qarsylasyn jarys jolynan taıdyrdy

ASTANA. KAZINFORM – Italııanyń Býsto-Arsıtsıo qalasyndaǵy Parıj Olımpıadasynyń joldamalary sarapqa salynyp jatqan týrnırde búgin qazaqstandyq boksshy Nurbek Oralbaı ekinshi jeńisine qol jetkizdi.

Atap aıtsaq, 80 kelidegi qazaqstandyq álem chempıony Nurbek Oralbaı 1/16 fınalda Togo memleketiniń sportshysy Preva Padabadıdi 5:0 esebimen utty.

Qara kúshtiń ıesi Preva Padabadı aýyr soqqylarǵa ıek artqanymen, tájirıbeli jerlesimiz tehnıkalyq sheberligimen aılasyn asyryp ketti.

Endi, 1/8 fınalda Nurbek Oralbaı qarsylasyn alǵashqy raýndta qulatqan 2021 jylǵy álem chempıonatynyń kúmis júldegeri Alekseı Alferovpen judyryqtasady.

Bul Nurbektiń atalǵan týrnırdegi ekinshi aıqasy ol alǵashqy jekpe-jeginde gaıtılik Kedrık Belonı-Dýlıepreni jeńgen edi.

Esterińizge sala keteıik, osyǵan deıin Natalıa Bogdanova alǵashqy jekpe-jeginde jeńiske jetkenin jazǵan bolatynbyz.

Parıj Olımpıadasynyń joldamasy sarapqa salynyp jatqan týrnır 3 naýryzda bastalǵan bolatyn. Jarys 12 naýryz kúni máresine jetedi. Atalǵan týrnırde erler arasynda 28, áıelder arasynda 21 joldama sarapqa salynýda. Qazaqstan quramasynan erlerden 6, áıelderden 5 boksshy joldamaǵa talasyp jatyr.

Keshki sessııa:

19:30

50 kg. Alýa Balqybekova - Klavdııa Totova (Chehııa)

20:30

57 kg. Mahmud Sabyrhan - Saravýt Sýktet (Taıland).