Lıtsenzııalyq týrnır: Qazaqstan quramasynyń kapıtany ekinshi jeńisine qol jetkizdi
ASTANA. KAZINFORM – Italııanyń Býsto-Arsıtsıo qalasynda ótip jatqan lıtsenzııalyq týrnırde Qazaqstan quramasynyń kapıtany Aslanbek Shymbergenov ekinshi ret jeńiske jetti.
Ol atalǵan álemdik týrnırdiń 1/16 fınalynda (71 kg) polshalyq Damıan Dýrkachti jeńdi. Osylaısha atalǵan týrnırdiń 1/8 fınalyna joldama aldy.
Esterińizge sala keteıik, osyǵan deıin erler arasynda 63,5 kelidegi el namysyn qorǵap jatqan Muhammedsabyr Bazarbaıuly 1/16 fınalda Eýropa chempıony Radoslav Rosenovtan jeńilip qaldy.
Sonymen qatar búgin 54 keli salmaqta Jaına Shekerbekova irikteý kezeńiniń alǵashqy aıqasynda 1/16 fınalda Nıgerııa ókili Shýkýra Karımge ese jiberip, jarysty aıaqtasa, 60 kelide judyryqtasqan Rımma Volosenko tórtinshi jekpe-jeginde, ıaǵnı shırek fınalda Slovakııa sportshysy Mıroslava Jedınakovaǵa tóreshiler sheshimimen ese jiberip, lıtsenzııadan qur qaldy.
Al, erler arasynda birinshi ret Muhammedsabyr Bazarbaıuly jeńilis tapty.
Aıta keteıik, Parıj Olımpıadasynyń joldamasy sarapqa salynyp jatqan týrnır 3 naýryzda bastalǵan bolatyn. Jarys 12 naýryz kúni máresine jetedi. Atalǵan týrnırde erler arasynda 28, áıelder arasynda 21 joldama sarapqa salynyp jatyr. Qazaqstan quramasynan erlerden 6, áıelderden 5 boksshy joldamaǵa talasyp jatyr.
