Lıtsenzııalyq týrnır: El quramasynan Muhamedsabyr Bazarbaıuly 26 mamyrda saıysqa túsedi

ASTANA. KAZINFORM - Taılandtyń Bangkok qalasynda ótetin bokstan Olımpıadaǵa irikteý týrnıriniń ekinshi jarys kúninde, 26 mamyrda Muhamedsabyr Bazarbaıuly (63.5 keli) sharshy alańǵa shyǵady.

Jekpe jek Qazaqstan ýaqytymen 12:00-de bastalady.

Aıta ketsek, 25 mamyrda Nazym Qyzaıbaı (50 keli) Nıkol Dýrıkovany jeńip, jarystyń kelesi satysyna shyqty.

Sondaı-aq, áıelder quramasynda Uljan Sársenbek (54 keli), Rımma Volosenko (60 keli), Natalıa Bogdanova (66 keli) men Valentına Halzova (75 keli) el namysyn qorǵaıdy.

Elimizdiń erler quramasy buǵan deıin Olımpıadanyń 6 joldamasyn jeńip aldy. Atap aıtqanda, Sáken Bıbosynov (51 keli), Mahmud Sabyrhan (57 keli), Aslanbek Shymbergenov (71 keli), Nurbek Oralbaı (80 keli), Aıbek Oralbaı (92 keli) jáne Qamshybek Qońqabaev (92 keliden joǵary) bar.

Al áıelder quramasynda Karına Ibragımova (57 keli) Olımpıada oıyndaryna joldamaǵa ıe boldy.