Lıtsenzııalyq týrnır: Búgin sharshy alańda bes boksshymyz judyryqtasady
ASTANA. KAZINFORM – Italııanyń Býsto-Arsıtsıo qalasynda ótip jatqan lıtsenzııalyq týrnırde búgin, ıaǵnı 7 naýryz kúni bes birdeı boksshymyz sharshy alańǵa shyǵady.
Atap aıtsaq, búgin erler arasynda 63,5, 71, 92 keli salmaqtaǵy boksshylarymyz, áıelder arasynda 54 jáne 60 kelide qyzdarymyz rıngke shyǵady.
Otandastarymyzdyń naqty qaı ýaqytta rıngke shyǵatyny keıinirek belgili bolady.
54 keli. 1/16 fınal
Jaına Shekerbekova – Qazaqstan - Shýkýra Karım - Nıgerııa
60 keli. 1/4 fınal
Rımma Volosenko - Qazaqstan - Mıroslava Jedınakova - Slovakııa
63,5 keli. 1/16 fınal
Muhammedsabyr Bazarbaıuly – Qazaqstan - Radoslav Sımeonov Rosenov – Bolgarııa (Eýropa chempıony, 2023 jylǵy álem chempıonatynyń shırek fınalısi)
71 keli. 1/16 fınal
Aslanbek Shymbergenov – Qazaqstan - Damıan Dýrkach - Polsha (Tokıo Olımpıadasynyń qatysýshysy)
92 keli. 1/16 fınal
Aıbek Oralbaı – Qazaqstan - Haneýl Jang – Ońtústik Koreıa.
Keshe atalǵan týrnırde úsh boksshymyz sharshy alańǵa shyǵyp, úsheýi de jeńiske jetti. Áıelder arasynda Rımma Volosenko úshinshi jeńisine qol jetkizip, shırek fınalǵa shyqsa, Sáken Bıbosynov 1/16 fınalda Kenııa sportshysy Devıd Karancha Macharıany tóreshilerdiń biraýyz sheshimimen jeńdi. Al Aıbek Oralbaı alǵashqy aıqasyn ótkizip, úndistandyq Azııa chempıonyn utty.
Parıj olımpıadasynyń joldamasy sarapqa salynyp jatqan týrnır 3 naýryzda bastalǵan bolatyn. Jarys 12 naýryzda máresine jetedi. Atalǵan týrnırde erler arasynda 28, áıelder arasynda 21 joldama sarapqa salynyp jatyr.
