Lıtsenzııalyq týrnır: 8 naýryz kúni sharshy alańǵa kimder shyǵady
ASTANA. KAZINFORM – Italııanyń Býsto-Arsıtsıo qalasyndaǵy Parıj Olımpıadasynyń joldamalary sarapqa salynyp jatqan týrnırde 8 naýryz kúnderi sharshy alańǵa kimder shyǵatyny belgili boldy.
Búgin áıelder arasynda eki, erler arasynda eki, jalpy tórt boksshymyz sharshy alańǵa shaǵydy.
Saǵat Astana ýaqytmen kórsetilgen.
Kúndizgi sessııa:
16:30
66 kg. Natalıa Bogdanova - Lorena Soledad Balbýena (Argentına)
17:30
80 kg. Nurbek Oralbaı - Preva Padabadı (Togo)
Keshki sessııa:
19:30
50 kg. Alýa Balqybekova - Klavdııa Totova (Chehııa)
20:30
57 kg. Mahmud Sabyrhan - Saravýt Sýktet (Taıland).
Esterińizge sala keteıik, osyǵan deıin Qazaqstan quramasynyń kapıtany Aslanbek Shymbergenov ekinshi ret jeńiske jetkenin jazǵan bolatynbyz. Boksshy atalǵan álemdik týrnırdiń 1/16 fınalynda (71 kg) polshalyq Damıan Dýrkachti jeńdi.
Sondaı-aq erler arasynda 63,5 kelidegi el namysyn qorǵap jatqan Muhammedsabyr Bazarbaıuly 1/16 fınalda Eýropa chempıony Radoslav Rosenovtan jeńilip qaldy.
Sonymen qatar búgin 54 keli salmaqta Jaına Shekerbekova irikteý kezeńiniń alǵashqy aıqasynda 1/16 fınalda Nıgerııa ókili Shýkýra Karımge ese jiberip, jarysty aıaqtasa, taǵy bir burymdy boksshymyz 60 kelide judyryqtasqan boksshymyz Rımma Volosenko tórtinshi jekpe-jeginde, ıaǵnı, shırek fınalda Slovakııa sportshysy Mıroslava Jedınakovaǵa tóreshiler sheshimimen ese jiberip, lıtsenzııadan qur qaldy.
Aıta keteıik, Parıj Olımpıadasynyń joldamasy sarapqa salynyp jatqan týrnır 3 naýryzda bastalǵan bolatyn. Jarys 12 naýryz kúni máresine jetedi. Atalǵan týrnırde erler arasynda 28, áıelder arasynda 21 joldama sarapqa salynýda. Qazaqstan quramasynan erlerden 6, áıelderden 5 boksshy joldamaǵa talasyp jatyr.
