Lıtsenzııa alýǵa bar kúshimizdi salyp jatyrmyz - Álııa ıÝsýpova
ASTANA. KAZINFORM – Búgin Parıj-2024 Olımpıada jáne Paralımpıadaǵa daıyndyq shtabynyń jetekshisi Elsııar Qanaǵatov pen orynbasary Dıas Ahmetshárip Shymkent qalasyndaǵy sportshylardyń tórtjyldyq dodaǵa daıyndyq barysymen tanysty.
Kezdesý barysynda kórkem gımnastıkadan Ulttyq quramanyń bas bapkeri Álııa ıÝsýpova shtab ókilderine shákirtteriniń Olımpıadaǵa qalaı daıyndalyp jatqanyn baıandap berdi.
«Alda lıtsenzııalyq Azııa chempıonaty kele jatyr. Onda bir joldamaǵa Qazaqstan, Qytaı jáne Japonııa sportshylary talasady. Sondyqtan bizdiń sportshylarymyzǵa artylǵan mindet aýyr. Qazirgi tańda lıtsenzııalyq týrnırge baratyn sportshylarymyz óz josparlary boıynsha daıyndalyp jatyr. Olımpıada joldamasyna eki sportshymyz talasady. Onyń biri Eljana Tanıeva jáne Aıbota Ertaıqyzy. Biz lıtsenzııa alýǵa bar kúshimizdi salamyz», - dedi bas bapker Álııa Maqsutqyzy kezdesý barysynda.
Sonymen qatar Álııa ıÝsýpova Bolgarııa astanasy Sofııada ótken kórkem gımnastıkadan halyqaralyq týrnırde qazaqstandyq Erıka Jaılaýova qola júldeger atanǵanyn atap ótti.
«Ózderińiz biletindeı, osydan birer kún bizdiń komanda buryn Bolgarııa astanasy Sofııada ótken kórkem gımnastıkadan halyqaralyq týrnırge qatysyp keldi. Arasynda Erıka Jaılaýova qola júldeger atandy. Odan bólek, komandalyq synda taǵy da shákirtterim jeńis tuǵyrynan kórindi. Bolgarııadaǵy jarysta Aıym Meıirjanova syndy jas sportshymyz da synǵa tústi. Ol eresekter qataryna osy maýsymda qosyldy. Soǵan qaramastan, úlken sporttaǵy qadamyn nyq basyp keledi. Sofııadaǵy týrnırde kópsaıystan tórtinshi orynǵa taban tiredi. Jalpy sportshylarymyzdyń deńgeıi ósip keledi. Biz barlyq qoldan kelgen múmkindikti jasap jatyrmyz», - deıdi bas bapker Álııa Maqsutqyzy.
