«Lıter» gazetiniń bas redaktory taǵaıyndaldy

ASTANA. QazAqparat - «Lıter» qoǵamdyq-saıası gazetiniń bas redaktory qyzmetine Dmıtrıı Shıshkın taǵaıyndaldy, dep habarlandy basylymnyń saıtynda.

«Lıter» gazetiniń bas redaktory laýazymyna úmitkerlerdi irikteý, sonyń ishinde, budan buryn jarııalanǵan «NUR-Medıa» holdınginiń ashyq konkýrsy aýqymynda júzege asyryldy. Jańa basshynyń aldyna basylymnyń tanymaldyǵyn odan ári arttyrý jáne Internettegi jumysty kúsheıtý mindetteri qoıyldy», - delingen habarlamada.

D.Shıshkın budan buryn «Bolshaıa gazeta» basylymynyń, «Pozıtsııa.kz» Internet-basylymynyń bas redaktory, «Komsomolskaıa pravda Kazahstan» gazeti bas redaktorynyń orynbasary, «Karavan», «Gazeta.kz» basylymdarynyń sholýshysy, «Astana TV» telearnasynyń prodıýseri qyzmetterin atqardy, «Alıans Bank» AQ baspasóz qyzmetin basqardy.